High Powered Committee Lunglei, Vice Chairmain Pu Lawmawma Tochhawng, MLA chuan vawiin khan KVK Hnahthial Demonstration Farm tlawhin an hmalakna hrangte a enfiah a, Lunglei District chu Artui hmanga intodelh tura hmalak tum a nih thu sawiin KVK a thawktute nen thawhho dan tur an sawi nghal a ni.

He huna inkhawm tawi KVK Farm-a neihah HPC Vice Chairman Pu Lawmawma Tochhawng chuan HPC Fund chu eizawnna ngelnghet nei tura ei leh bar kawnga hmalakna atan hman a nih tur thu sawiin "Tharchuah leh siamchhuah atanga a let leh awm theihna turin kan kalpui dawn a, chumi kawnga a hmasaber atan Artui kan intodelh theihna turin hmalak a ni dawn a ni" tiin Mizoram a Artui kan lakluh te hi state hla tak tak Uttar Pradesh leh Andhra Pradesh atang ten a ni tlangpui a, hetianga hmun hla tak tak atanga lak luh ngailo hian Ar kan vulh ve thei a, chungte chu an tui ve thei a, inkaihhruaina tha tak kan neih chuan kan intodelh thei a ni. Vawikhatah tam deuhin bul kan tan kher lo a nih pawhin a tul angin hma kan la chho zel ang a, Lunglei District hi Artui-ah kan intodelh theih a beiseiawm a ni" a ti.

He hun kaihruaitu Dr.Lalmuanzovi, Sr.Scientist & head, KVK Hnahthial chuan HPC Lunglei Vice Chairman-in a tlawh chu an tan chhinchhiah tlak tak a nih tur thu sawiin "KVK chu research centre a nih avangin tlawh leh hriat kan hlawh thin lo hle a, kan ram hruaitu HPC Vice Chairman-in min rawn tlawhna avang hian keimahniah pawh chona leh phurna nasa zawk a thlen ngei ka beisei a ni" tiin "keimahni atanga zir duh leh hriat duh neite tan kan inpeih renga engtik lai pawhin biak pawh theih reng kan ni" a ti bawk.

KVK Hnahthial Farm hi Thlai leh thil hrang hrang research beih nan hman a nih bakah Artui tam chi leh sa tui (Rainbow rooster) chu kum 2007 vel atangin vulh a ni a, an mahni hian khawl hmanga ti keuin an hralh chhuak leh thin a ni. Tun dinhmunah hian Rainbow Rooster hi 40 vulh mekin a note pakhat Rs.50/-in an hralh chhuak a ni. Hetiang Ar hi Lunglei District-ah nasa taka tihpun tum niin HPC Vice Chairman hian hmalak ho dan tur ngaihtuahin a enfiah a ni.

Pu Lawmawma Tochhawng MLA hian KVK a tlawh bakah hian Hnahthial-a Office hrang hrang - RD, PHED leh AH&Vety Office te tlawhin an hmalakna te a enfiah bawk a