July Ni 25 zana Vishal dawr leh Hauva Petrol pump inkar, Bawngkawna leimin chu I&PR Minister Pu Lalruatkima'n tukin khan a tlawh a. Minister hi Local Council (LC) leh khawtlang hruaitute'n an lo dawngsawng a, leimin avanga harsatna tawk chhungkaw hrang hrangin an harsatna tawh dan Minister Pu Lalruatkima hnenah hian an lo thlen a ni.

I&PR Minister Pu Lalruatkima chuan a theih ang angin sorkarin he leimin avanga harsatna tawkte chhawmdawl hna a thawh dan tur leh, a rang thei ang bera kawng tih tlang a nih theih dan tur sorkar hotute sawipui a tum thu a sawi a. Chhiatna nasa zawk a thlen lohna tura hmalakna awm thei ang bawhzui a tum thu a sawi a. Bawngkawn LC kutah a tul anga hman turin Rs 4000/- a hlan.

Bawngkawn LC te chuan he leimin avang hian leiminna chhak lam leh thlang lama awm chhungkaw 16 an inthiarchhuak tih an sawi a, Concrete Building pakhat thiah ngai a awm thu an sawi a. Tun dinhmunah chuan leiminin kawng a hnawh tihtlang leh silpaulin-a leimin khuh bak tih theih vak a awm rih lo niin an sawi.

Leiminna hmun hi Aizawl District Disaster Management Authority leh PWD Aizawl North lamin an thutchilh a. Kawng min hi naktuk lamah laihtlang theih a nih beisei a ni.

Attachment

  • Loading attachment...