No.1828/2021-2022

Lunglei the 13th August, 2021 : Vawiin chawhma khan District Horticulture Office, Conference Hall, Lunglei ah  Iskut chinna hmanrua (Distribution of Chayote Cultivation Phase II Materials under High Powered Commttee, Lunglei)  Lunglei District chhunga Iskut chingtu chhungkua 14 thlanchhuah  te hnenah Pu Lawmawma Tochhawng, Vice Chairman, High Powered Committee (HPC), Lunglei chuan  Iskut chinna hmanrua  thirzai leh Watercan(tui pekna) a sem.

He hun hi Pu Lalvansanga DHO, Lunglei in kaihruaiin Pu Lawmawma Tochhawng chuan Iskut hi thlai tlo, daih rei, kumhlun leh thar hma a nih avangin Mizote chin chi tak a ni a ti a, phai khawlum ah a that duh loh laiin tlang ramah a tha duh em em a, hetiang a nih avang hian awlsam taka kan intodelh theihna a ni tiin, nasa zawka Iskut chin uar a pawimawh thu a sawi. Indo-Bangla Border Trade Kawrpuichhuah tih puitlin a nih hunah pawh keimahni tualchhung atanga kan thawnchhuah theih tur tha leh awlsam tak tur chu Iskut rah hi a ni Pu Lawmawma Tochhawng chuan tiin, tuna sawrkar atanga hmanrua chi hrang dawngtu Iskut chingtute pawhin tih tak tak na nen khawtlang leh District hmasawnna thlen ngei tura theihtawp chhuah a tul dawn a ni a ti.

Tuna Iskut ching tura Department in a thlan Kuthnathawktute chu Iskut chi man leh an mamawh dang bakah sumfai pawhin sawrkarin a la tanpui zel dawn a ni a ti bawk. Vawiina Iskut chingtu hmanraw dawngte hi Lunglei khawpui chhung bika mi te an ni.

Attachment

  • Loading attachment...