No.1827/2021-2022

Aizawl 13th August 2021: India Independence Day vawi 75-na chu tun Pathianni August 15th khian  Mizoram hmun hrang hrangah lawm a ni dawn a, Aizawlah chuan Sipai Lammualah zing dar 7-ah ceremonial function neih a ni ang a, hetah hian Chief Minister Pu Zoramthanga’n  hnam puanzar a pawt pharhin, thuchah a sawi ang. 

Covid-19 Hripui leng mek avangin kumin hian Official tam zawk, Parade Contingent te leh mipuite chu Independence Day lawmna programme-ah te hian an tel thei dawn lo a. Aizawl, District Headquater te leh Sub-Division hmunpuiah te Independence Day 2021 lawmna programme hi siam a ni leh dawn a. Heng hmunah te hian tel tur chin bituk vek an ni.

Covid-19 hrileng lakah kan lo him zawk nan hmun hrang hranga Independence Day lawman programme a tel tur te chu a hnuaia fimkhurna chungchang tarlan te hi zawm vek tura thurawn pek an ni.

Sawrkarin ti tura min tih angin inkar hlata awm te, face mask vuah leh, kuta inchibai lohte zawm vek tura ngen kan ni. 

Aizawl Independence Day lawm hi LPS, ZONET leh All India Radio ten live-in an pe chhuak dawn a ni.