No.1826/2021-2022

Siaha; 13th August 12, 2021: Vawiinah Siaha District Disaster Management Authority (SDDMA) chuan Bhartia Infra Projects Ltd (BIPL) hnen atangin COVID-19 dona hmanrua thahnem tak a dawng.

Pu B. Lalchhawntluanga, Deputy Commissioner leh Siaha DDMA chairman mawhphurhna la mek chuan Pu S. Majumdar, Project Manager, BIPL hnen atangin heng hmanruate hi a dawng a ni –

1. PPE Kits - 1000

2. Face shield - 500

3. Hand gloves - 3000

4. Mask - 3000

5. Hand sanitiser - bur 1000

6. Digital BP instrument - 30

COVID-19 dona kawnga an insenso avang hian Deputy Commissioner chuan Project Manager hnenah hian lawmthu a sawi a, heng hmanruate hi hri donaa kan mamawh em emte an ni a, a hun taka kan dawng hi a lawmawm hle a ni, tiin BIPL te thil tih hi a fak a ni.

Pu Kesavan R, IAS, Deputy Commissioner, Siaha chuan June 24, 2021 khan Bhartia Infra Projects Ltd te hi lehkha thawnin, Siaha District-in COVID-19 a donaa hmanrua a mamawhte a thlen a ni.

BIPL hi Theiva-ah inbunin, NH 54 (Package 5; Chain 345+989) thawm that hna an thawk mek a ni.