No.1825/2021-2022
Aizawl 13th August 2021: Ministry of Youth Affairs and Sports, Government of India chuan India ram zalen kum 75-na lawmna denchhenin zalenna sualtute hriat rengna leh chawimawina AZADI KA AMRUT MAHOTSAVA – FIT INDIA FREEDOM RUN hi ram pum huapa neih tura ruahman a ni a. He programme hawnna hun hi India ram Minister, Youth Affairs and Sports Pu Anurag Singh Thakur leh Minister of State, Pu Natish Pramanik ten August ni 13, 2021 a neiin October ni 2, 2021 thlenga kalpui turin ruahmanna an siam a ni.
He programme thupui chu – Jan Bhagidari Se Jan Aadolan tih a ni a. India ram mipuiten hriselna tha zawk an neih theih nan mahni taksa sawizawi ngai pawimawh a, nitin mahni taksa enkawl that chu mahni nunphunga sengluh tir an tum a ni.
Fit India Freedom Run hi India ram chhung District 744 ah neih tur niin heng district ah hian khaw 75 theuhah he programme hi hman tura ruahman a ni. Aizawl district ah chuan FIT INDIA FREEDOM RUN hi August ni 14, 2021 ah khaw 75 ah neih tura ruahmanna siam a ni a.
Nehru Yuva Kendra Aizawl chuan Swatchtta Pakhwada (Cleanliness Fortnight) chu August ni 1- 15, 2021 chhungin a kalpui mek bawk.
He programme huam chhung activity chi hrang hrang - faina thutiam neih, thalaite hnena Faina leh Thinghlimna thuchah Dr. Vanlaltanpuia MLA, Mizoram Youth Commission (MYC) Chairman buatsaih chu thalai a tam thei ang berte hnena a thlen theih nan Social Media hmangin theh darh a ni. Boruak thianghlim neih nan thing phunna hun (a bikin thei tiak), chuan mahni in leh chhehvel vawng fai tura ngenna siam te, Essay leh painiting Competition buatsaih, khawtlang bikah in leh a chhevel fai ber intisiak na buatsaih leh E-poster leh faina lam hawi thuziakte thalai leh mipuite hmuh theih tura Social Media hmanga pho chhuah a ni bawk.
