No.1824/2021-2022

Aizawl, 13th August, 2021 : Nimin, 12th August(Ningani)a Aizawl District Bawrhsap hova Committee for Fixation of  Price of Meat, Vegetables and Fruits thu khawmin a rel angin Aizawl khawpui chhung Bazar hrang hranga sa leh thlai zuartuten sawrkar-in Maximum Retail Price(MRP) a bituk an zawm tha em tih enfiah turin tukin zing khan Price Monitoring Team ten Bazar hrang hrang fangin chawhmeh zawrhna man an enfiah a. 

A tlangpuia chawhrualin anhnah leh thlai zuartute leh sa zuar ten sawrkar rate siam te an zawm tha viau a. Arsa bikah chuan a puahsa zuartu ten an lakna rate a san chhoh avangin sawrkar rate bituk zat, Kg 1 ah Rs.300/- aia to lova zawrh chu harsa an ti deuh va. Sangha zuartute pawhin a pum lianah chuan sawrkar rate siam an zawm that viau laiin phai leh dil sangha, a pum Kg 2 hnuai lamah erawh chuan sawrkar rate siam hian zawm a hlawh vak lo nia hriat a ni a. Chawhmeh thenkhat rate pawh ennawn ngai awma hriat a ni.