Vawiin  khan Mizoram English Medium School Owner\'s Trust Sub Hqrs  buatsaihin Lunglei  khawpui chhunga English Medium school  te  chuan Saikuti  Hall ah in tawhkhawmna  hun an hmang a, an pawl President Pu  Albert Shaw chuan welcome Speech sawiin, Secretary V.Lalduhawma\'n report a pe bawk a ni.

Lunglei  District  High  Powered  Committee  Vice  Chairman  Pu Joseph Lalhimpuia  chuan  English  Medium  School  zirtirtute   chu  an kut  ah  naupang  te  hmakhua  thui  tak  a  awm  a ni  tih  hre  thar  leh  turin  a  duh  thu  Lunglei  a  English  Medium  School  kalkhawmna  ah  a  sawi.

He huna khuallian  Pu Joseph Lalhimpuia chuan, zirlai naupang te chuan an hmakhua an thlir thiam a tul a ni ti bawkin nakin lawka ram leh khawtlang tana  mi tangkai tak ni tura an inbuatsaih a tul thu a sawi a, school  naupang thenkhat Nu leh Pa thu awihlo leh zirtirtute thu awihlo an awm thin chu thalo a tih thu sawiin, uniform ha chunga meizial zuk leh ruihtheih thil ti thin a, school tlanbo thin te an awm chu thil zahthlak tak a ni tiin hetiang lak atang hian zirlai naupang ten fihlim i tum ang u  tiin, tunlai khawvel hi zirna leh thiamna kawngah in elna khawvel a ni tawh tih kan hriat reng a pawimawh a tih thu a sawi.

A sawi zelnaah Pu Joseph Lalhimpuia chuan, Mizoram pum huap school exam chi hrang hrang ah Lunglei lam atangin zirlai ti tha tak tak an awm thin a, hei hi English medium school  te thawhrah pakhat a ni a ti a, mithiam leh mi chhuanawm tak tak kan neih mek te pawh English Medium school te thawhrah zinga mi a nih thu sawi bawkin, sawrkarin sum tam tak a pe theilo chunga English Medium school neitute inpekna leh thawhrimna ah Mizoram  sawrkar aiawhin  lawmthu a sawi bawk a ni.