Ni 18.11.2011 (Zirtawpni) khan Pu Joseph Lalhimpuia, Vice Chairman HPC, Lunglei chuan Bazar Branch YMA Zobawk Inleng Library cheng nuai ruk senga sak zawh tak chu a hawng a, Zobawk Bazar Branch YMA in kumtina an member Post Graduate degree nei thar te chawimawina thu ziak an pek thin chu a hlan nghal bawk.

Inkhawm kaihruaitu Pu K. Lalrodinga, President, Branch YMA Zobawk chuan bialtu MLA Pu Lalhimpuia’n nasa taka hmaa lakpuina a zarah he Library hi nei thei an nih thu sawiin khawtlang aiawhin lawmthu a sawi a ni.

Khuallian Pu Joseph Lalhimpuia chuan Rajaram Mohanroy Foundation atanga Mizoram chhunga Library 20 sakna tur an rawn phalsak zing ah kan tel thei hi lawmna chang kan hriat a pawimawh a ni a ti a. Nasa taka hmalatu Branch YMA President fakawm a tih thu a sawi bawk. Pu Lalhimpuia chuan Naupang, Thalai leh kum upa lamte tan pawh malsawmna nih theih na tura khawtlang tangrual turin a fuih a, Ngunhnam aiin Penhmawr in thil a ti thei zawk tih hi a taka chantir tur leh hriatna nei tur chuan lehkha chhiar tam phawt angai a ni, a ti. Khawiah pawh awm ila thil kan hriat that chuan khawtlang, sawrkar leh kohhran pawhin min mamawha, chu hriatna nei tur chuan chhiar tam ang u, tiin Zobawk mipuite a fuih. Khawtlang hruaitu ten mahni mimal pawimawh aia khawtlang tana pawimawh ah sawrkar thu neitute an dawr thin chu lawmawm a tih thu a sawi bawk. Midangte tan Malsawmna ni theuh turin Zobawk khawtlang mipui te chu a sawm bawk a ni.

Pu Joseph Lalhimpuia hian he Programme zawh hian Zobawk Mual laih mek chu a hmun a kalin a enpui nghal bawk a ni.