967/2023-2024

Lunglei the 28th, June 2023: Samagra Shiksha, Lunglei buatsaihin vawiin chawhnu khan DEO Conference Hall ah Lunglei District chhunga School 26 te hnenah Interactive Flat Pannel for Smart Classrooms sem a ni. He hun hi Lunglei HPC Vice Chairman Pu Lawmawma Tochhawng chuan khuallian niin a hmanpui.

Interactive Flat Pannel semna inkhawm hi Pu Donny Lalruatsanga, Addl. Deputy Commissioner, Lunglei chuan kaihruaiin khuallian Pu Lawmawma Tochhawng chuan Digital India Programme kal zel ah Lunglei District in Smart Class Room tana Flat Pannel (LED) School 26 in an hmang thei tur hi lawmawm a ti a. He thil hlawtling hian sorkar hmalaknain Information Communication Technology pawh thuam that chhoh zel a ni a ti a. Sorkar hotuten zirna lam bahlah lova mamawh te a tihsak a, zirna in zawng zawng a technology tangkai zawka hmang thiam tura hmalakna niin zirlai mai nilo zirtirtute pawhin rah tha zawk a chhuah theih na hman thiam tir ngei hi a tum a ni a ti a. Khawvel changkang zelah New Education Policy 2020 in a ngaipawimawh angin North Eastern States a School te ICT a tih hmasawn nan Class room hi kalpui niin hmasawn zel turin hmalak a ni. Khawvel hmasawn ruala ke penna ah hian a zir a zir a ngai a, naupangte zirna mai bakah hriatna thuk zawk pek a mi puitling a chherchhuah a beisei a ni. Flat Pannel te hmang hian naupangte ah rah tha chhuah turin zirtirtute a chah bawk a ni.

Vawina Smart Class Room tana Flat Pannel semchhuah te chu Govt. Leitlangpui Higher Secondary School, Govt. Electric High School, Govt. Leitlangpui High School, Govt. Lunglei Higher Secondary School, Govt. Lunglei High School, Govt. Liantawna High School, Lunglawn, Govt. Theiriat High School, Govt. Haulawng High School, Govt. Mulathuam -N- High School, Govt. Thingfal High School, Govt. Zobawk High School, Govt. Tawipui N 1 High School, Govt Chawngte L High School, Eklavya Model Residential School, Govt. Pukpui High School, Govt. Zotlang High School, Govt. Zohnuai High School, Govt. Bazar High Scool, Govt. Lungsen High School, Govt. Tipperaghat High School, Govt. Tlabung High School, Govt. Venglai High School, Govt. Rahsiveng High School, Govt. Sertlangpui High School, Govt. Buarpui High School leh Govt. Bunghmun High School te an ni.

Pi Lallianzuali Bawitlung, DEO & DPC Lunglei District chuan lawmthu sawina a nei bawk  a ni.