Nimin ni 30.7.2015 khan Thingfal Community Hall-ah Horticulture Department ruahmannain Serthlum leh Lakhuihthei chingtute hnenah Pu S.Laldingliana, Vice Chairman, HPC Lunglei in NLUP 2nd Phase Final Installment a sem.

NLUP tanpuina semna Inkhawm hi Pu C.Lalremsiama, Asst. Divisional Horticulture Officer, Lunglei-in kaihruaiin Pu S.Laldingliana chuan thusawiin Horticulture Department-in a bial chhungah hetiang ruahmanna an siam theih avangin lawmthu a sawi a. Miharsate leh mi chhumchhia ten leirem an rah ve theih nan NLUP hmanga dinchhuah dan sorkarin a ngaihtuah a, chuvangin NLUP tanpuina dawngte chuan a nihna ang taka hmanga ding chhuak ngei turin a duh thu a sawi. Mizoram Chief Minister Pu Lal Thanhawla kaihhruaina hnuaiah kum 2008 atang khan tih tak takna nen NLUP sem tan a ni a, Central Sawrkar-in a zirchiangin tha an ti hle a, thenawm State-te pawhin an hman atan tha an ti hle a ni, a ti bawk. Sorkar-in a tih tur a ti a, mipui a dawngtu ten rinawmna leh taimakna nen thawk theuh a ngaih thu a sawi.

Pu Lalthakima, Horticulture Extension Officer, Lunglei in serthlum leh lakhuih chin dan zirtirna hun a hmang bawk a ni.

Thingfal Horticulture Circle hnuaia khaw pariat(8) Khawmawi, Mamte, Thlengang, Thingfal, Tawipui 's' leh 'N', Mualcheng 'S' leh Thualthu atangin chhungkua 409 te hnenah Rs.5,27,8700/- sem a ni.