Nimin ni 15.6.2015 khan Mizoram pumah YMA Day hman a ni a, Lunglei HPC Vice-Chairman Pu S.Laldingliana chuan Mualcheng ‘S’ ah YMA Day Khuallian niin a hmanpui.

Mualcheng ‘S’ YMA President inkhawm kaihhruaiah Pu S.Laldingliana chuan Mualcheng ‘S’ chu a bial chhunga ‘model village’ atana thlan a nu a, vawi leh khatah changkang leh hmasawn viau turah ngai lovin, a tawhtawlin hna thawh a ni dawn a ni, a ti a. Kuthnathawktuten Ngengpui-ah thlasik thlai an chinte chu awlsam taka an thiar theih nan leh man man zawka an hralh theih nan link-road laih mek a ni a, 1st phase chu zawh tawh niin 2nd phase thawh mek a ni tih a sawi a. Kumina Mualcheng ‘S’ atanga HSLC Examination-a hlawhtling zielai 6 te hnenah lawmpuina citation a hlan bawk a. Khuallian Pu S.Laldingliana hian Mualcheng ‘S’ Community Hall sakna tur lungphum a phum nghal bakah Lunglei-Lawngtlai Road peng atanga Mualcheng ‘S’ panna kawng 9.8 kms cheng vaibelchhe 6.07 senga hnathawh mek chu a hmunah a en nghal bawk a ni.

Lunglei DFO Pu H.Lianmawia pawhin YMA Day lawmnaah hian thusawiin Mualcheng ‘S’ huamchhungah thing leh mau humhalh tha turin leh kangmei ti chhuak lo turin a chah a. Sub-Headquarters YMA hnuaia Science & Environment Committee-in ‘lung milem’ enchhinna te neiin humhalh zel an tum chu a fakawm hle a ni, a ti a. Sansad Adarsh Yojana hmangin hnathawh a ni dawn tih a tarlang bawk.