2470/2024-2025

Dated the 10th October, 2024 : Vawiin khan Apex Bank North Vanlaiphai Branch chu Hrangturzo bialtu MLA Pu Lalmuanpuia Punte, Adviser to Chief Minister (Political) chuan a hawng.

Apex Bank Branch 29-na North Vanlaiphai Branch hi ATM Booth keng tel nghal tur a ni a. Serchhip District a Apex Bank Branch 3-na niin thawktu 3 leh Security Guard 3 nena bul ṭan tur a ni. 

Mizoram Cooperative Apex Bank Ltd. hi Ni 31 July, 1982 khan Mizo mipuite bank hmasa ber tura din a ni a. Tunah hian Branch 28 an nei mek a, N. Vanlaiphai Branch hi 29 na tur a ni. Apex Bank hian Mizo tawnga chhiar theih awmchhun ATM neiin mipuiin an hmang tangkai hle. ATM Booth hi tunah hmun 38 ah a enkawl mek bawk a ni.

Tun dinhmunah Apex Bank hian Deposit Rs. 1534.42 Cr. (Vaibelchhia) atangin Loan hi Rs. 1206.49 Cr. (Vaibelchhia) a pe chhuak a. Deposit dawn atanga Loan pekchhuah tehfung (CD Ratio) hi 78.63% niin Mizoram Bank ah pawisa dawn atanga teha loan pechhuak tha ber an ni.

Hawnna Programme hi Pu Lalnunsanga Chairman MCAB in a kai hruai a ni. Chief Executive Officer Pu A. Lallungmuana’n technical report leh lawmthu sawina hun a hmang a ni.