2806/2023-2024

Vawiin ni 17.11.2023(Zirtawpni) hian New Delhi a cham mek Dr. L.Thangmawia chuan Election Commission of India office tlawhin thil pawimawh hrang hrangte Chief Election Commissioner hnenah ziakin a thlen a, CEC lehkha hi ECI aiawhin Pu Darsuo Thang, Principal Secretary ECI in a lo dawng.

Dr. Thangmawia chuan Mizoram inthlanpui avanga zirlaite scholarship pekchhuah phal tura an ngenna te nimin lama a lo bawhzui sak a, ECI in nimin tlaia phalna a pek nghal avangin Principal Secretary hnenah lawmthu a hrilh a.

Dr Thangmawia chuan CEC a a lehkha thehluhah hian Mizoram a vote chhiar hun ni 3.12.2023 (Pathianni) a neih tura ruahmanna awm mek chu Mizoram a poitical party hrang hrang, NGO leh kohhran te duhdan anga a hma Inrinni ni 2.12.2023 emaw, a tuk Thawhtanni ni 4.12.2023 emaw a sawn tura ngenna te, Tin, MLA candidate, an vote neihna constituency ni lo va in candidate, a duhte tana dil theih tura Postal ballot-a vote thlak phalsak tawh thin tura ngenna a tel bawk. Candidate te hian vote thlakni hian mahni dinna bial a inthlan kal dante thli thlai a, polling booth tlawh kual te an duh thin avangin an dinna bial atanga vote thlak tura kal hman ta lo te an awm thin thu sawiin chung mi te tan bik hian an dil chuan postal ballot-a vote thlak theih tura ruahman sak thin tawh turin a ngen a ni.