1458/2023-2024

Nimin ni 10.8.2023(Ningani) khan HRD Board Vice Chairman Dr. L.Thangmawia MLA chuan Saitual to Saichal NH 102B kawng thawmthat mek a tlawh a, vawiin ni 11.8.2023(Zirtawpni) hian Khawkawn leh NE Khawdungseia kawnglaih vanga leimin hlauhawm te chu a hmunah a tlawh bawk. MLA hi NHIDCL aiawhin an Engineer, Er. Ravi Prakash Rawat-a leh Er. Mohsan Ali te bakah contractor BR Goyal Pvt. Ltd. hotuten an tawiawm a ni.

Dr. Thangmawia chuan NHIDCL hotute chu kawng thawmthat hna uluk taka vil zui tur leh motor tam tak an accident phah tawhna a nih avang te, Manipur-a kan unaute chaklakna kawngpui ber a nih avanga Mizoram sawrkar leh mipuiten an kawng ngaihven berte zinga a mi a nih thu te a hrilh a ni.

Dr. Thangmawia chuan NH 102B laih mek avanga Khawkawn khawchhunga in thenkhat leh Khawkawn Health Sub-Centre quarter Building dinhmun te a hmunah enin NE Khawdungseia Pu PB Ramthanga kawmthlang leimin te a tlawh bawk a. Heng leimin chhunzawm hlauhawm te hi a venna a rang thei ang bera an siam nghal tur thu NHIDCL hotute chuan MLA hi an hrilh nghal a ni.

Dr Thangmawia chuan Kawlkulh to Tuichang kawng a chhiat nasat avanga accident tam tak a thlen mek thu hrilhin hei pawh hi a rang thei ang bera hma la nghal turin a hrilh nghal a, NHIDCL enkawl kawngpui sira hnim to a san tawh hlawm avanga insut mai hlauhawm a tam tawh thu te hrilhin heng hnim te hi a rang thei anga sam fai hnathawk turin a hrilh nghal bawk a ni.