National Highway Division-Ill, PWD ten Hunthar venga lei tlahniam chu ni 10.2.2016 atangin Zantin zan dar 8:00 hnulam atangin a tuk zing dar 6:00 thleng siamthat hna an thawk thin dawn a. Helai kawngpuiah hian hnathawh hun chhungin lirthei engchi mah tlan a remchan dawnl oh avangin Mizoram State Sorkar Notification No. B. 12021/10/04-TRP dt. 22.8.2008 leh Section 115 of MV Act, 1988-in thuneihna a pek angin, SP Traffic chuan mipui vantlang him zawk nan leh lirthei kal vel fel zawk nan a hnuaia tarlan ang hian lirthei tlan dan tur ruahmanna thupek thar a tichhuak.
1. Lirthei te chi (LMV) te tan Aizawl atanga Sairang/Lengpui zan lama pan tur emaw Sairang'Lengpui atanga zan lama Aizawl rawn pan tur Zan dar 8:00PM hmaa Hunthar leitlahniam paltlang hmanlo te chu Sakawrtuichhun-Lungverh Road ah kal vek tur a ni.
2. Lirthei lian (HMV) leh Lirthei laihawl (MMV) te chu Zan dar 8:00PM atanga a tuk Zing dar 6:00AM inkar ah Sakawrtuichhun - Lungverh Road ah kal phal an ni ve lo.
3. Lirthei lian (HMV) leh Lirthei laihawl (MMV) Aizawl lam lo pan te chuan zan dar 8:00 PM hma ngeiin Hunthar leitlahniam an tlan pel hman tur a ni a, tlan pel hmanlo te chuan CH. Saprawnga Truck Terminal, Rangvamual ah Aizawl khawpui a an tlanluh theih hun nghakin an ding mai tur a ni.
He Notification hian dt. 10.2.2016 atanga hna thawh zawh a nih hma chu a huam ang.
He thupek hian chhiatrupna thil kangmei leh emergency kaihhnawih a duty leh Dan leh Thupek pawimawh bika Duty-te chetvelna a huam lo ang.
