Deputy Commissioner, Lunglei District, Lunglei chuan ni 9.4.2015 khan a hnuaia mi ang hian mipuite tan Hriattirna a chhuah a ni :
India sorkara Ministry of Home Affairs thuchhuak angin, Lunglei District huamchhunga Arms Licence neitu leh Retainers zawng zawngte 'National Database of Arms Licence' (NDAL) hnuaiah On-Line Registration tih vek tur a ni.
Lunglei District huamchhunga Arms Licence neitu leh kawl zawng zawngte chuan mahni bialtu BDO emaw Deputy Commissioner's Office, Lunglei Arms Branch atanga Form siamsa lak chhuaha fill-up vekin May 2015 ral hma ngeiin Deputy Commissioner's Office, Lunglei Arms Branch-ah thehluh vek tur a ni ang.
Tin, Silai neitu (Licence holder) thi tawh, an chhungte emaw midangin emaw an kawlsak zawng zawngte pawh May 2015 ral hmain in-report vek tur a ni.
Heng bakah hian engvang pawha Silai Licence nei, Silai lei lo emaw Silai kawla Licence emaw Retainership neilo zawng zawngte pawh he hun tiam chhung hian in-report vek tur a ni.
On-Line Registration of Arms Licence hi India ram pumpuiah 1st October 2015 hmaa zawh ngei tur a nih avangin a chunga tih tur tarlante khi zawm ngei ngei tur a ni. Ngai pawimawh lova hun tiam chhunga tifel hman lo chu Arms Licence renew a ni tawh lovang a, an Licence cancel sak hial a nih pawhin an mahni mawh a ni ang.
