Mizoram Sawrkar ngen anga Sawrkar Laipuiin Chhingchhip-a Sainik School a dinna tur atan vawiin chhun dar 12:00 khan Chief Secretary Office Chamber ah Ministry of Defence, Government of India aiawhin Pu Anil Bahuguna, Joint Secretary leh Mizoram Sawrkar aiawhin Pu Lalmalsawma Chief Secretary ten Memorandum of Agreement (MOA) an ziak. MOA ziahna ah hian Capt.(IN) G.Rambabu, Inspecting Officer, Sainik School Society leh Pu Lalbiakzama, Addl. Secretary cum DIG, Home Department te hriatpuitu ah an tang a ni. Sainik School, Chhingchhip hi 2016 June ah sak zawh hman tura ruahman a ni. Pu Anil Bahuguna chuan Sainik School dinna tura MOA an ziak fel thei chu lawmawm a tih thu a sawi a, Chief Secretary chuan Sainik School chu Mizoram Sawrkar chuan a hma thei ang bera tan a duh thu a lo hrilh bawk. Sainik hotute hian Chhingchhip-a Sainik School hmun an tlawh zui nghal a ni.