Sub-Divisional Magistrate, Aizawl District, Aizawl chuan Mizoram Legislative Assembly chu Session a an thutkhawm dawn avangin harsatna an tawh loh nan a hnuaia thupek hi Section 144 Cr.P.C., 1973 (Act II of 1974) in thuneihna a pek angin a chhuah.
Heng hmun : Head Post Office, Treasury Square, Aizawl atanga raj Bhavan chhimlam gate inkarah hian vantlang, politics, sakhuana leh thil dang engvang mahin mipui punkhawm phal a ni lova, Hunger Strike leh bengchheng siamte pawh khap tlat a ni.
He thupek hian sut leh lailawk anih loh chuan vawiin atanga thla hnih chhung a huam ang.
