Registrar General of India hnuaiah ECIL chuan Aadhaar thla la tan leh turin thlalatu DC Office Aizawl ah an rawn in bun tan leh ta a, September ni 1 atangin mipui tan Biometric enrolment tan leh a ni. ECIL-in Operator an dah belh tam dan a zirin ni khata thla la thei zat hi danglam leh thei a ni. DC Office-ah chuan operator 15-20 thu tura remruat a ni. Operator tam zawk an lo thlen hunah Aizawl veng tin leh RD Block lamah te thla la tur an la kal kual leh bawk ang. Aizawl district chhunga Aadhaar thla la la lo mi nuai 2.5 vel kan la awm a, DC Office hmunhma a rem loh bakah veng leh khaw hrang hranga thla latute an la kal kual leh dawn avangin mipuite dawhthei taka innghak tlang turin kan in ngen a ni. Aizawl District mi cheng nghet ni lo tan pawh thla lak theih a ni ang.

1. Voter’s ID Card/ Ration Card/Driving License/Passport a khawi emaw ber (Naupang kum 18 tling lo tan Ration Card) hmuh ringawt tur ken tel tur a ni a, theh luh a ngai lovang.

2. Scheme hrang hranga Direct Benefit Transfer-ah Bank Account nena link tul a la awm zel dawn bawk avangin Bank passbook nei te chuan ken tel tur a ni a, a nei lo tan chuan ken kher a ngai lovang.

3. Job Card nei te chuan MNREGA Job Card nena thlunzawm nan ken bawk tur a ni a, a nei lo tan ken a ngai lovang.

NPR (Census 2011) a la chuang lo an awmin, Voter’s ID Card/ Ration Card/Driving License/Passport a khawi emaw ber photocopy (Xerox) theh luh a ngai ang.

RGI hnuaia ECIL thla latute bakah September ni 15 hnu lamah thla latu tam zawk neih belh a ni dawn a. Chungte chu vengah leh RD Block hrang hrangah an lo la kal dawn bawk a, awmze nei taka thla lak a nih theih nan dawhthei tlang turin mipuite an ngen tak meuh meuh a ni.

Adhaar chungchanga zawh duh nei te chuan Phone No. 0389 – 2316912/8974423210 ah te zawh fiah theih a ni.