Vawiin khan Sihphirah Aizawl District Swachh Bharat Mission (Gramin) buatsaihin ‘Awareness Campaign on Sanitation’ Sihphir Community Hall-ah neih niin Pu HV Zarzoliana, VCP, Sihphir in kaihruaiin Er.Lalsanga, E.E, PHED chu resource person atan hman a ni.
He hunah hian Sihphir khaw chhunga Village Council member te, NGO hruaitute, Middle School atanga Higher Secondary School zirtirtute leh zirlai naupang engemaw zat an tel a ni.
He Awareness in a tum ber chu Sihphir khua hi Pu Lal Thanzara, Health Minister in Model Village a a thlan angin khaw fai leh nuam anih theih nana beihpui thlakna chi khat a ni.
He hunah hian Sihphir khua a lo fai theihna tur te, mipuiin faina leh thianghlimna lam an lo ngaih pawimawh theihna tur te, zirlai naupangte tan kut silfai a pawimawhzia an hriat theihna tur leh bawlhhlawh mumal taka paih leh sawngbawl anih theihna tura in zirtirna te a ni.
