Vawiin chawhma khan YMA Sub Headquarter Conference Hall Lunglei ah National Students Union Of India (MZ) District Headquarters Lunglei chuan zirlai ti tha te chawimawina hun an hmang. Pu S.Laldingliana, Vice Chairman, HPC Lunglei chu khuallian niin he hun hi a hmanpui.

Pu S.Laldingliana chuan thu sawi in Mizo te hi hma kan sawn hle tawh a, chawimawi tlak te chawimawi nachang kan hre ta hi NSUI (MZ), MZP leh MSU ten zirna a hma kan sawn theih nan nasa takin hma an la a, tunhma in chhim lam ah thluak a awm anti thin a ram hruaitu Central Service leh mithiam tam tak anlo chhuak tawh a, tun hnu ah Central Service leh State Service ah te Lunglei District kan lang tawh lo hi rualawh a na a, zirlai ten zirna a inpumpek lovin khawtlang tan a kan inhman lutuk te hian zirna lam ah min ti bahlah thin a ni. Thildang zawng zawng dahtha a kan zir chuan tih theihloh a awm lo a ni a ti. Zirlai ten kan in enchian a kan zirna kan dah pawimawhber chuan kan nih tur ang kan ni thei a ni a ti. Rilru thar pu a zirna a kan inpek chuan Chhim lam ah thluak a awm tih hi tilangchiangtu in ni dawn a ni a ti. Tunah chuan pass ringawt hi a tawk lova; Sawrkar hna lak reng reng ah pawh in sawipui leh duhsakna a awm thei tawh lova, a thiam leh a tling te dinchhuahna a ni tawh a ni. Rinawmna, Dikna leh Taihmakna nen a zirna a inpumpek theuh turin a chah a ni.

Pu S.Laldingliana hian a bial chhung a Mizoram University hnuai a zirlai ti tha top 10 pakua (9) te hnen ah laptop a pe, institution ti tha HATIM leh Lunglei Gov't College te hnen ah chawimawina a hlan a, Lunglei District zirlai MZU hnuai a subject hrang hrang top 10 a lang phak zirlai 42 te hnen ah chawimawina certificate leh thilpek a hlan bawk a ni.

Inkhawm hi K.Hrangthantluanga, President NSUI (MZ) Lunglei in kaihruai in MZP leh MSU aiawh ten thusawina an nei bawk.