Land Revenue & Settlement Department chuan The Indian Stamp (Mizoram Amendment) Act, 2016 hmanga Stamp Duty rate tihdanglam anih chungchangah a hnuai ami ang hian thuchhuah a siam:

1) The Indian Stamp (Mizoram Amendment) Act, 2016 kalpui tan hun atan September ni 1, 2016 lo pawm tawh chu suspend rih a ni.

2) Pradhan Mantri Awas Yojana – Housing for All (Urban) hnuaia lei man dahkham (mortgaged deed)-te Stamp Duty hian a huam tel dawnlo a ni.

3) Stamp Duty rate sang zawk anga lo pe hman tawh te chu Finance, Law & Judicial leh a kaihhnawih dang Department-te nen inrawnkhawm hnuah an chungthu chinfel sak leh tur a ni ang.

Heng a chung ami te hi Land Revenue & Settlement Department in an Minister hova Stamp Duty rate chungchangah October ni 24, 2016-a meeting an lo neih tawh thutlukna a ni.