Vawiin khan Central Young Chakma Association leh Mizoram Chakma Students Union hruaitute chuan Mizoram Governor Lt Gen (Rtd) Nirbhay Sharma, PVSM, UYSM, AVSM, VSM chu a pisaah rawn hmuin Larsap hnenah CADC hnuaia dan lova hnathawk tur lak chungchanga an lungawi lohna ‘Joint Memorandum’ an thehlut.

CYCA leh MCSU memberte chu CADC hnuaia hnalak chungchang bakah kawng chhia, zirna leh hriselna chungchang Mizoram Governor chuan lo sawipuiin an harsatna rawn thlente chu lo zirchiang a, tul anga hmalak a ni ang, a ti a. Chakma-te ziak leh chhiarah an la hniam chu a ngaihmawh thil tak a ni tih sawiin zirna leh hriselna lamah nasa lehzuala tan la turin a hrilh a, thla leh November-ah Chawngte lo zin a tum thu a hrilh bawk.