Vawiin chawhma dar 11:30Am khan Pi Harleen Kaur, IAS District Bawrhsap chuan a Office Chamber-ah Siaha District atanga Press Accreditation dawng mi 11 hnenah Press Accreditation Card a hlan.

He Accreditation Card hlanna inkhawm tawi hi Pu N.Vabeiratlua DIPRO in a kaihruai a, he inkhawm tawiah hian thu sawiin, Pi Harleen-i chuan Siaha District atanga mi 11 laiin Press Accreditation an hmu thei chu a District tan pawha thil lawmawm tak a ni, a ti a. Chanchin thehdarhtu te tan a thil pawimawh tak chu Journalism Ethic leh Standard vawn tlat a, rinawmna leh taimakna nena hnathawh hi a ni a tih bakah. Journalist rinawm leh taima chu an huaisena, thudik an tan ngam thin a. Vawiina sawrkar atanga Press Accreditation dawng te hian, In rinawmna leh taimakna vawng reng u la, Sawrkar in Accreditation pek tlaka a ngaih ang ngei che u hian huaisen takin sawrkar leh khawtlang khal ngiltu ni fo ang che u, a ti bawk.

Bawrhsap Pi Harleen-i chuan Siaha District-a Print leh Electronic Media te hian ram rawngbawlna kawngah an thawh hlawk hle a; a hriat thu sawilangin, a phak tawkah Local Media-a chanchinthar ziah leh puan te hi hriatthiam ve ngei tuma tan a lak nasat thu a sawi bawk. Chanchinbu thenkhatah Editorial awm lo zeuh zeuh te, zirlai naupang te tana tangkai tur General Knowledge lam pang thil inziak tlem te chu tan an lakna tur Area nia angaih thu sawi langin, chanchinbu te pawh hi phek 1 chauh ni lovin, Siaha a ka awm chhung ngei hian phek 2 tal ni turin tan han la hram te u, tiin a sawm.

Vawiin Accreditation Card sem zawhah hian inkawm hona neih nghal a ni a, Siaha District hmasawnna tura thil tul leh pawimawha an ngaih te huangzau taka sawi ho a ni a. Bawrhsap chuan MJA te chu a tulna pianga amah chu finchhuaha tawiawm zel turin a sawm a ni.