Public Works Department chuan Muallungthu - Khumtung Road siam chungchangah a hnuai a mi ang hriat mipui hriat tur thu a chhuah:

Muallungthu - Khumtung Road siam hna kalpui a nih mek laiin vanduaithlak takin fur ruah sur nasa leh a zawn kawng chhak lama tuikhuah atanga tui tam tak lo luang thla-in thlang lam lei a hawrh avangin 30.9.2016 khan Km 8.55-a thui Hume Pipe Culvert chu a bal a, kawng chhuat a tla deuh vek a. Kawng chhak lam siam remin Motor te (Light Vehicle) tlan theihin siam a ni a. Siamthat leh tuma hmalak a nih mek lain 8.11.2016 khan Culvert zawng zawng leh kawng chhuat te chu a min ta vek a, Motor tlan theih loh vin a ping ta a ni. Hume Pipe Culvert thar siam tura hma lak nghal a ni a. A thlang lam ko a san avangin hun a duh dawn a. Chhun leh zanah te hna hi thawh a ni.

He kawng hi NABARD scheme hmanga laih a ni a. Phase I (Km 0 -11.60) chu 2012 khan zawhfel a ni a. Phase II (Km 11.6 - 33.50) chu January, 2015 atanga laih tan niin, tunah hian a laih hna (Formation Cutting) chu zawhfel a ni tawh a. Pavement Work (Blacktopping) hna thawh mek a ni. Blacktop hna atan hian a lungphah hnuai ber (GSB) zawh a ni tawh a, a dawttu (WBM) chu 20% vel zawh tawh a ni. Tun thalah hian blactopping hna tan tum a ni. He kawng hi kawng awmsa aiin Serchhip tlangdung leh a chhak lam tan a tawi zawk avangin kawng siam zawh hma pawhin a lun hle a. Fur leh thalah Motor a tlan reng a ni.