Energy Efficiency Services Limited (EESL) leh sawrkar laipui, Power & Electricity Department tangkawpin mipuiin Current heh lo chi LED Bulb an neih theih nan hmalakna National Ujala & Pavan Programme chu Mizorama kalpui tan a nih hnuin vawiin atang khan 9W LED Bulb chu Rs. 85/- atangin Rs. 65/- ah a tihniam a ni. Hei hian stock awm sa la hralh loh te pawh a huam vek dawn a ni.

Heng LED bulb hian incandescent bulb nen khaikhin in kawlphetha a heh loh zawk avangin electric bill pawh a tlem phah dawn a. Bulb hi Ujala & Pawan Programme hnuaiah hian bazar rate aiin a tlawm zawk bawk a ni.