Vawiin khan Aizawl District Dy. Commissioner Pu Kannan Gopinathan chuan a District huamchhunga Hospital hrang hrang enkawltute a office-ah kokhawmin, kangmei laka invenna chungchang a sawipui.
He meeting-ah hian tunhnai lawkah Orissa Hospital pakhata kangmei chhuak avanga mi tamtak nunna chantate chungchang sawi a ni a, hetih lai hian Mizoram Hospital hrang hrangte pawh fimkhur tur leh kangthelhna hmanrua neih bakah, engemaw vanga kangmei chhuak theite ven nung a tul thu D.C. chuan a tarlang a ni.
SP Fire pawhin Hospital tinin Fire Safety Audit tih hma ngeiin, Fire Protection and Fire Prevention (Essential Handbook in Hospital and Nursing Home) chu zir chianga lo inbuatsaih nghal turin kalkhawmte a chahin hrilhfiahna a nei nghal. Hemi an peihfel veleh Fire Audit turin anmahni koh theih reng an ni tih an hriattir.
Aizawl DC in hun reilote ah Pre-Fire Audit neih a, training leh Fire Mock Drill te buatsaih thuai tum a ni tih sawiho a ni bawk.
Meeting-ah hian Hospital & Medical Education Department; DM&R; SP Fire & Emergency Services leh Hospital hrang hranga Medical Superintendent leh Director of Hospitals ho an tel a ni.
