Vawiin chawhnu khan Aijal Club ah Rural Development Minister Pu R.Lalzirliana hovin Rural Development Department hnuaia hmalaknate endiktu, state hnuaia Committee sangber, Vigilance & Monitoring Committee chu an thukhawm.

Rural Development Minister Pu R.Lalzirliana kaihruaina hnuaia neih, SLV&MC ah hian Rural Development Department hnuaia hmalakna te chak zawka kalpui a nih theih nan, RD Department official ten Member of Legislative Assembly(MLA) te chak zawka an thawhpui dan tur rawtna te siam a ni a. Hemi hnuaah hian RD hnuaia sawrkar programme - Mahatma Gandhi National Rural employment Guarantee Act(MGNREGA), Pradhan Mantri Awaz Yojana(PMAY/IAY), Pradhan Mantri Gram Sadak Yojana(PMGSY), National Social Assistance Programme(NSAP), National Rural Drinking Water Programme(NRDWP), Nirmal Bharat Abhyan(NBA), Mizoram State Rural Livelihood Mission(MzSRLM), Integrated Water Management Programme(IWMP/PMKSY), PMEGP, District Rural Development Agency Administration(DRDA), Border Area Development Programme(BADP) leh State Institute of Rural Development(SIRD) hnathawh tawh leh hmalakna kalpui mek chungchang te zirchianna bakah thawhchhunzawm dan tur te rel a ni.

SLV&MC a report thehluh in sawkar kum, 2016-17 chhunga hmalakna leh hmachawp te a tarlan dan chu - MGNREGA ah kum in September thla thleng khan Central atangin sum Rs.6534.33 lakhs hmuh leh State Matching Share(SMS) atanga a thehchhuah Rs.48.101 lakhs hmanging District 8 ah ni 28 theuh inhlawhna a siam tawha. District 8 a PMAY/IAY tanpuina sum hmanga miharsa te insak tur/ thawm that tur zawng zawng belhkhawm chu in 1818 a ni. PMGSY hnuaiah hnathawhna tur sum Rs.7,438.53 lakhs atanga hman tawh Rs.3995.08 lakhs atangin kumin September thla thleng khan District 8 belhkhawm a kawng laih zat chu 185 niin heng kawng te belhkhawm thuizawng chu 2514.13 Kms a ni a. NSAP hnuaia tanpuina sum awmzat Rs 708.17 lakhs atangin kum September thla thleng khan Rs 585.58 lakhs pekchhuah a ni.NRDWP hnuaiah RD Block 7 ah hmun thenkhat a hmalakna'Partially Covered(PC)' hmun pakua ah a awm tawh a; NBA hmangin APL chhungkaw 586 leh BPL chhungkaw 1112 tan Ek In siam sak ni tawh in Vantlang Inthiarna hmun 4 siam a ni tawh. MzSRLM hmalakna tur sum Rs.1097.46 Lakhs atangin Rs 273.81 hmanga hna thawh tawh a ni a; IWMP hnuaia hmalakna tur sum Rs 1704.55 Lakhs pawh hman a nih theih nan thil tul hmasa tihfel mek a ni.