Home Department chuan silai lei, kawl leh zawrh chungchangah a hnuai ami ang hian hriattirna a chhuah:
Ministry of Home Affairs, Government of India in July ni 15, 2016-a Arms Rules, 2016 a tih chhuah angin mi tu pawhin air-gun emaw, silai lem/siamchawp (firearm replica) emaw, zen chauh phuh chhuak thei silai (blank firing guns) emaw, battery hmang tiang (battery operated batons) emaw neih a duh a nih chuan thuneitu hnen atangin neih phalna (licence) a lak a ngai tawh ang.
Air-gun, 20 joules leh a aia na kap thei chin leh a dawt lian chi (.22/5.5 mm leh a chunglam) te chu Licence tel loa kawl phal a ni tawh lo a, .177 calibre pawh he dan hnuaiah hian khuahkhirh a mi bawk. Arms Act, 1959 Section 3-in mi pakhat tan silai 3 (pathum) aia tam neih a phal loh avangin licence neih ngai chi Air-gun reng reng chu silai pathum neih theih zingah chhiar tel tur a ni tawh ang.
Air-gun neitu chuan District Magistrate hun bituk chhungin a Air-gun kengin District Magistrate emaw, Sub-Division Officer (Civil) emaw, Block Development Officer (BDO) emaw hnenah a inhriattir ngei tur a ni a, chutiang ti lote chu Arms Act, 1959 leh Arms Rules 2016 behchhanin an chungah hremna lek kawh theih a ni ang.
Hei hian Mizoram Rifle Association (MRA) leh a hnuaia inziaklut (affiliate) Rifle Club/Association-te a huam tel lo ang.
Air-gun zuartute pawhin Arms Act, 1959 leh Arms Rules, 2016-in thuneihna a pek (competent authority) hnen atangin silai zawrh phalna (dealer licence) an neih ngei a ngai tawh bawk.
