Vice President of India, Shri Venkaiah Naidu chuan Ni 24.5.2018 (Ningani) hian Mizoram a rawn tlawh dawn avangin Ni 24.5.2018 Zing dar 6:00 atanga Tlai lam dar 5:00 inkar chhungin Thuampui Helipad junction atanga Mizoram University inkar via Bawngkawn, Edenthar, Hunthar, Company Peng, Vaivakawn. Ramrikawn leh Mizoram University atanga Raj Bhavan inkar via Vaivakawn, Temple Square, Tennis Court. Raj Bhavan atanga Thuampui Helipad inkar via Treasury square, Zodin Square, Dawrpui, Zarkawt, Chanmari, Chaltlang, Bawngkawn kawngpui sirah lirthei eng chi mah dah/park phal a ni lo. Vice President of India hi Dan in a phut anga zalen taka a chetvel theihna tura ruahmanna siam hi mipuite pawhin hrethiam a zawm tura ngen a ni. Ni 24.5.2018 Zing dar 6:00 atanga Tlai lam dar 5:00 inkar hi chuan heng kawngpui ah hian lirthei duh ang angin a tlan theih dawn lova, lirthei neitute leh hmangtute pawh tumlohna lamah intlan tir a ngaih chang leh rei deuh tak in din tir a ngaih hun te pawh a awm dawn avangin heng a chunga tarlan kawngpui ah te hian hemi hun chhung bikah hi chuan lirtheite hmang tamlo tura lo inhmakhua lawk tura ngen a ni. Lirthei chhia kawngpui sira dah te pawhin ni 23.5.2018 hma ngeia lo senghawi vek tura ngen leh hriattir a ni.

Ni 23.5.2018 hian Zing dar 9:00 atanga tanin achunga kawngpui tarlan-ah khian ‘trial run’ neih a ni dawn a, hemi hun chhung pawh hian heng kawngpui a lirthei khalhtu leh hmangtu mipuiten dawhthei taka lo hrethiam tura ngen a ni.