Kolasib leh Mamit District chhunga NLUP hnuaia sangha vulh thlangtute, anmahni duhthlanna ni lo va kaikuang khawi zawk tura nawrluihna awm angin, NLUP Implementing Board Office-ah report dawn a ni a. NLUP Implementing Board-a thuneituten NLUP hnuaia sangha vulh thlang tuten kaikuang khawi lovin, an duh thlanna ang ngeia sangha vulhna an kalpui thei ang tiin Fisheries Director hnenah hrilhfiahna an siam bakah sangha vulh thlangtute leh District Fishery Officer zawng zawngte lo hriattir nghal turin an hriattir bawk.

He mi chungchang hi DC zawng zawng te hnenah vawiin 16th July, 2012 khan fax in thawn nghal a ni a. Harsatna neite chuan an DC te hnenah a rang lama hriattir theih a ni.