Krismas leh Kumthar a lo hnaih leh tak avangin Millennium Centre chhehvel, Bazar leh hmun pawimawh danga mipuite himna atan, Traffic SP chuan Motor tlandan tur ni 16.12.2013 zinglam dar 10:00 a.m. atanga tlailam dar 6:00 p.m. thlenga hman tan turin hetiang hian ruahmanna a siam.
(i) Aizawl chhim lam atanga hmar lam Zarkawt tlan tlang tur Motor reng reng chuan Aizawl P.S panna kawng, Millennium Centre chhak atangin hmarlam an pan ang.
(ii) Motor hmarlam pan Millennium Centre Parking-a lut tur leh Dawrpui Biak In chhaka chhim lama kual let turte chauh Millennium Centre kawt kawng hnuaiah an tlan thei ang. City Bus Service chu a tlan tlang phei thei a nga, a stand erawh chu Thana thlang Transfomer hnuaiah sawn phei rih a ni.
(iii) Millennium Centre Parking atanga chhuak, chhim lam pan duhte chu Dawrpui Biak In chhakah an tlan thla nghal thei ang.
(iv) Hmar lam atanga Millennium Centre parking-a lut duhte an lut tlang thei ang. Zarkawt lam atanga Millennium Centre chhak Babutlang lama tlan chhoh phal a ni lo.
(v) Aizawl P.S leh Babutlang atanga lo chhuk; chhim lam pan turte chu Major Laldailova Point helin tlan tur a ni.
(vi) Motor tlan dan tihdanglam a nih dawn avangin Motor kual tur leh inpel turte a tihbuai loh nan Millennium Centre chhaka Two wheeler parking hi hemi hun chhung hian thiah rih a ni ang.
