Vawiin khan India ram hmundangte rualin Vijay Diwas lawmna inkhawm, War Memorial, Treasury Square, Aizawlah neih a ni.

He hunah hian ram tana nun hlantu sipai hrang hrangte zahna pangpar hlan an ni a; Governor Vakkom Purusothaman, Chief Minister Pu Lal Thanhawla; Cabinet Ministers-Pu R.Lalzirliana, Pu R. Romawia, Pu Lalsawta, Pu John Rotluangliana; Ministers of State-Pu Lal Thanzara, Pu Lalrinmawia Ralte te bakah, Lt. Col. (Rtd) Z.S. Zuala, MLA; Capt (Rtd) Hmingdailova Khiangte, MLA; Chief Secretary Pi L.Tochhong; DGP Pu AK Patnaik, IPS; Aizawla sipai leh paramilitary force hrang hrang hotute, Ex-Servicemen aiawhte, martar chhungte leh mi pawimawh dangten zahna pangpar an dah a; Ministers of State- Pu C. Ngunlianchunga leh Dr.B.D.Chakma te bakah Ex-Servicemen thahnem tak he inkhawmah hian an tel bawk.

Vijay Diwas hi 1971-a India leh Pakistan indo tuma India-in hnehna a chan hriatrengna atan kumtin hman thin a ni a; India ram pumah ram tana nun hlantu sipaite hriatrengna leh zahna lantirna hun hman thin a ni.