Pu A. Biaklawma, Addl. Deputy Commissioner & Electoral Registration Officer, Election to Village Councils, Mamit District, Mamit in hriattirna a chhuah angin - Mamit District-a Village Council 71 te Electoral Roll siam mek hi a duh apiang en theih turin Ni 1.11.2011 ah Draft Electoral Roll, 2012 Office Notice Board ah tarchhuah a ni a. Sawisel duh emaw en duh emaw chuan ni 2 - 18 November, 2011 chhungin DLAO, LAD Office Mamit ah en theih a ni ang a. Hemi hun chhung hian siamthat ngai awm apiangte dan angin siamthat theih a ni ang (Tih dik, thun belh leh paih tur reng reng chu an chuanna Electoral Roll khaw neitu V/C, Political Party Unit/Branch YMA President ten seal nena a dik ngei tih an ziah sak a ngai ang).

Hun tiam ral hnuah erawh chuan Village Council Electoral Roll hi tuman an sawisel thei lovang. Village Council Electoral Roll Final Publication hi ni 10.1.2012 ah chhuah tur a ni.