Kan hriat theuh angin Mizoram Legislative Assembly General Election chu kumin 2018 hian neih tur a ni a. Mara Autonomous District Council Area chhunga inthlanna fel fai leh ralmuang tak kan neih theih nan District Magistrate, Siaha chuan Section 144 CrPc.1973 (Act II of 1973) in thuneihna a pek angin hetiang hian thupek a chhuah : -

1. Silai neitu / kawltu zawng zawng ten he Order chhuah atanga kar khat ral hma in an awmna khua / veng atanga hnai ber Police Station / Police Out Post ah an Silai te an t√Ľng vek tur a ni. Heng an Silai tunte hi an awmna Police Station / Police Out Post atangin Receipt mumal tak an la vek tur a ni.

2. He thupek hian Order chhuah ni atanga thla hnih chhung, a hma sut a nih loh chuan a huam ang.

3. He thupek hian ahnuaia mite hi a huam lovang :

(a) Military / Para Military Force leh BRTF thuneitute.

(b) Police Officers leh mi tupawh State Government hnuaia Public Duty te.

(c) District Magistrate hnen atanga kawl phalna neitute.

He thupek zawm lote chu Section 188 IPC hmanga hrem tur a ni.PWD MINISTER IN CHANMARI ATANGA ISRAEL POINT via ELECTRIC VENG KAWMSIAM EN

Vawiin khan PWD Minister Pu Lal Thanzara chuan Chanmari atanga Israel Point via Electric Veng kawngsiam mek a hmunah enpuiin, PWD Official-te kawmna a nei bawk a ni. PWD Minister hi Food, Civil Supplies & Consumer Affairs Minister Pu John Rotluangliana chuan a tawiawm.

Kawngsiam mek-ah hian Pu V.Lalliana Building leh MUP Waiting Shed, Dawrpui Veng inkar  hi Interlocking Concrete Paver Block (ICPB) hmanga siam a ni a; metre 160 a sei, metre 6 a zau a ni. Interlock block hi Zig Zag Pattern niin, a chhah zawng hi 88mm a ni a, per meter square-ah block 39 hman a ni. ICPB atan hian tui chhe paihna tha a pawimawh avangin tuihawk luan kawr siamthat a ni a. Helai kawng hi Gradient a san avangin Anchor Beam pawh standard-ah chuan metre 20 dana siam thin chu metre 5 danah siam niin, luikawr sir ve ve (confinement) pawh RCC a siam a ni. Kawng siam tura ruahman hi Km 1 vela sei niin, ICPB Road bak hi bituminous hmanga siam tur a ni. Avaia sumsen tur hi NEDP atangin Cheng Nuai 22 a ni.

ICPB hi tui pek ngai lo leh Paver Block phah zawhah Motor a tlan theih nghal niin, siam zawh hnuah pawh awlsam taka enkawl theih a ni. Block rem nan hian khawl hman a ngaihloh avangin environmental friendly a ni.