Kawnpui - Sihphir - Durtlang - Aizawl inkar kawng Project Pushpak (BRTF) ten siam that hna an thawh mek chu bahlah lo leh tluang tak a kalpui a nih theih nan he kawnga Motor tlan dan tih danglamna thupek lo chhuah chu chhunzawm anih tur thu Aizawl SP chuan nimin khan a chhuah a, a thupek hi a hnuai tarlan a ni.

Aizawl to Kawnpui via Sihphir kawngah hian Motor Sumo aia lian reng reng 4th December atanga 31st December, 2019 chhung chuan zing dar 08:00 AM atanga tlai dar 05:00 Pm thleng tlan phal a ni lovin Sairang road NH-54 lamah tlan tur a ni. He thupek hian chhiatrupna thil, kangmei leh emergency kaihhnawih a duty, dan leh thupek pawimawh bik a Police leh Magistrate duty te chet velna a huam lo ang.