No.4446/2020-2021

Siaha; August ni 26: Siaha district mipui te Covid-19 laka kan him theih nan district bawrhsap Pu Kesavan R, IAS chuan District Disaster Management Authority, Chairman a nihna atang leh Disaster Management Act, 2005 , Sec 34(m) in thuneina a pek hmangin a hnuaia mi ang hian thuchhuah a siam:-

Kaochao East leh Siahatla-ah Check Post/Passengers' Facilitation Centre bun tur a ni.Superintendent of Police Office leh E&F Dept, MADC ten an vil ang. Kaochao East check post a duty te hi VLTF,Kaochao East in an lo puibawm ang.

E&F Dept,MADC rawn chungin SP office,Siaha in Duty Roster an siam ang a, Check Post-a duty ten state pawn atanga lo kal bungraw phur Lirthei number te lo chhinchhiah zelin, State pawn atanga lo kal leh Siaha district pawn lama kalchhuak tur passenger te hming,Address leh phone number te pawh an lo chhinchhiah thlap zel ang.