No.4445/2020-2021

Siaha; August ni 26: Mizoram Sawrkar Disaster Management & Rehabilitation Department thupek (vide Letter No.B.13021/101/2020-DMR/Pt-III of 31.7.2020) zulzuiin Siaha District chhunga mipuiten Social Distancing chungchanga an zawm ngei ngei turin Shri. Kesavan R, IAS, Deputy Commissioner & Chairman, Siaha District Disaster Management Authority chuan hetiang hian thupek a chhuah:-

Vantlang hmun, Sawrkar office, pawl leh mimal office te, bazar, dawr leh sumdawnna hmun te, restaurant leh hotel te leh hnathawhna hmun dangah te midang nena inhlat (6 feet vel) tha tawk taka awm tur a ni. Hemi chungchanga Mizoram sawrkar thupek dinglai chu khauh taka kenkawh chhunzawm zel tur a ni.

Tin, min dawrtute chhinchhiahna tur Register vawn vek tur a ni a, an hming, address, phone number leh tlawh hun te chhinchhiah tur a ni.

He thupek zawm lote chu The Mizoram (Containment and Prevention of Covid-19) Ordinance, 2020 hmanga hrem tur an ni ang.