No.4444/2020-2021

Vawin khan Er. K.Lalsawmvela, E-in-C PWD chuan Smart Attendance System (SAS) leh Moveable Asset Tracking System (MATS) te chu PWD, Conference Hall, Tuikhuahtlang-ah hman tan theih turin a hawng. Heng software te hi World Bank Project sum hmanga tihpuitlin mek a ni a, Consultant atan LAILEN Consulting Pvt. Ltd te rawih an ni.

Movable Asset Tracking System (MATS) hi PWD in lirthei leh hnathawhna khawl a neih ho 250-ah GPS device vuah mek a ni a. GPS device hmang hian khawl/ lirthei awmna hmun, tlan dan leh lirthei Condition Report te awlsam takin a hriat theih tawh dawn a ni. Heng bakah hian Chhiatrupna leimin khawilaiah emaw a lo thlenin a hnaih ber lirthei hmanrua engtia hla-ah nge a awm, engtia rei nge chhiatna hmun thlen nan a mamawh tih te a hriat theih tawh dawn a ni.

Smart Attendance Svstem (SAS) hian a tum ber chu department a officers leh staff tin te office hunbi dik taka an vawn theih nan a ruahman ani a. Hei hian staff attendance bakah, an luh leh chuah hun te pawh chhinchhiah theih a ni dawn a. Attendance report awlsam takin a neih theih dawn bakah mahni attendance pawh a en theih dawn bawk a ni. Hemi atan hian Staff tin te chu RFID technology hmangin ID card siamsak an ni a, Office hrang hranga an luh leh chhuah dar zat nen a lo record zel tawh dawn ani.