No.7793/2020-2021

Dated Kolasib, the 15th March, 2021: A hnuai a tarlan ang hian vawk natna chungchangah ICAR, Kolasib thuchhuah angin Social media hrang hrangah he thu hi theh darh a ni a.

“ICAR Kolasib lam a information an dawn angin, tunlai hian Vawk hri a leng tan a, he hri hi a chak khawp mai a, Vawk vulh te lo inven lawk theih nan.

1.  Tumah Vawkin leh vel hnai ah kal phal loh tur.

2.  Vawk chaw petu tur pawh kutke Tui sen a sil hmasak tur.

3.  Vawk In leh a vel Tuisenin a tam thei ang lo theh lawk theuh tur a ni.” 

ICAR, Kolasib chuan hetiang thuchhuah an siam loh thu leh vawk vulhtute leh a dawrtu mipui thleng a harsatna siam thei zawng a thu belhchian dawl lo theh darh a ni chu pawi an tih thu an sawi. Dr. Lalhruaipuii, Scientist, ICAR, Kolasib chuan kan state chhehvelah vawk natna leng vel a awm reng avangin fimkhur a tul thu a sawi a, amaherawh chu ICAR, Kolasib hminga mipuite tiralkhel zawng a thuchhuah belhchian dawl lo thehdarh a ni chu pawi a tih thu a sawi bawk a ni.