3579/2023-2024

Mamit 30th January, 2024 : Myanmar ram chhung buaina avanga Mamit District chhunga raltlan rawn lut leh awm mek te'n inkhuahkhirhna mumal zawk leh khauh zawk kan neih theih nan heng a hnuaia hriattirna hi zawm theuh tur a ni.

1. Mamit District chhunga raltlan lut tur reng reng chuan an awmna tur khuaa Village Level Committee on Myanmar Refugees phalna an nei hmasa tur a ni a. An awm veleh an details-te Village Level Committee on Myanmar Refugees ah an chhinchhiah tur a ni.

2. Sawrkar hriatpuina leh phalna lo chuan Myanmar raltlan te'n Mamit District chhungah ram leh in lei phal a ni lo.

3. Dawr siam leh sumdawnna lam chí reng reng sawrkar hriatpuina lo leh phalna lo chuan an tan tur a ni lo.

4. Ei leh bar zawnna leh nitin khawsakna – Inhlawhfak, Huan, Nul siam etc. ah Sawrkar leh an awmna khawtlang hruaitute duh dan an zawm tur a ni.

5. Dan phal loh thil zu, drugs leh a dangte Mamit District chhungah ken luh emaw, sumdawn nana hman phal a ni lo.

6. Myanmar Raltlan te'n Aadhaar Card/Voters ID/Birth Certificate/Driving License/Residential Certificate leh a dangte an siamtír tur a ni lo.

7. Myanmar atanga Mamit District chhunga lirthei ken luh reng reng mumal takin an awmna khuaa Village Level Commíttee on Myanmar Refugees hnenah an hriattir thin tur a ni.

Village Level Committee on Myanmar Refugees te'n mahni veng/khua theuhah he hriattirna hi lo bawhzui tur a ni a, Refugee zingah heng te hi zawm lo an awm a nih chuan Nodal Officer on Myanmar Refugees & Additional Deputy Commissioner, Mamit District, hnenah emaw bialtu SDO(C)/BDO te hnenah emaw report thehlut tura hriattir an ni.