3811/2023-2024

Aizawl the 13^th February, 2024 :  Food, Civil Supplies & Consumer Affairs department chuan a hnuaia mi ang hian mipuite tan hriattirna an chhuah.

Mizoram sawrkarin National Food Security Act a kalpui mekah dinhmun harsate zingah ration card var nei kan awm chuan ziakin emaw phone call-in emaw mahni ration card neihna District Civil Supplies Officer hnenah February 2024 thla chhung hian in report tur a ni. In report-te dinhmun hi uluk taka zirchian a ni ang a, Food Security hnuaia awm thei turte chu Card Pawl emaw Card Eng emaw zingah dah luh an ni ang. Hei hi hmaih leh thlauhthlak nei loa dinhmun harsaten an chanvo an chan ngei theih nana hmalakna a ni. Hengte bakah hian chhungkaw khawsak tha pangngai, mahni awmna veng leh khuaah pawh awm thei ve pangngaia inngai leh mite paw'n chutianga an hmuh zingah ration card eng emaw ration card pawl emaw nei, chutiang ration card nei lo tura inngai kan awm chuan ration card vara awm turin in report tur a ni.