3812/2023-2024

Dated Aizawl, the 13th February, 2024: Vawiin khan Chief Minister Pu Lalduhoma, Guwahati leh Delhi zin chu dam takin Aizawl a lo thleng a. Chief Minister's Conference Hall-ah a zinna chanchin kimchang ram mipuite hnena hrilhriatna Press Conference kaltlangin a nei zui.

Chief Minister hian Media mite zawhna te pawh a chhang a. Press Conference ah tha taka an rawn kal thin avanga lawmthu hrilhin, hun dangah pawh telsak zui zel thin turin a sawm a ni.

Chanchinbumite pawhin, Chief Minister-in a ngaihpawimawhzia Press Conference hmanga a tilang thin chu lawmthu an sawi a. State pawna a zinchhuah apiangin, in lama hahchawlh pawh nei hmasa mumal lova Press mite tana hun a buatsaihsak thin hi a hlu kan ti hle a ni, tiin lawmthu an hrilh a ni.

Chief Minister Press Conference hi Pu K. Lalthawmmawia, IAS, Commissioner & Secretary to Chief Minister leh Chief Minister Office-a thawk officer zawng zawngten an tawiawm a ni.