No.2032/2021-2022
Aizawl, 27th August, 2021 : Tunhnaiah Hruidukah COVID-19 hri kai thar mi engemawzat hmuhchhuah an ni a. Contact tracing mumal zawka tih a nih theih nan leh heng lai chhehvelah hri hi a darh zel lohna tura hmalak a ṭul ni a hriat a ni a.
Chuvangin, Dr. Lalrozama, Deputy Commissioner, Mamit District chuan The Mizoram Epidemic Diseases (COVID-19) Regulations, 2020 Sub-section 1 of Section 11 leh Mizoram Sawrkar Order No.B.13021/101/2020-DMR/Vol-V dated 20.08.2021 in thuneihna a pek angin Hruiduk chu Containment Zone- ah a puang a. He Containment Zone- ah hian a hnuaia tarlan ang hian khuahkhirhna kalpui tur a ni ang.
1. Containment Zone- chhunga cheng zawng zawngte hian Medical Team in Contact tracing an neihna kawnga inkaihhruaina leh tihtur an sawite ṭha takin an zawm tur a ni.
2. Containment Zone- chhunga cheng zawng zawngte chu mahni in leh compound pawnah chhuah loh tur a ni.
3. Containment Zone- chhungah hian Medical leh Security Duty te leh Deputy Commissioner leh bialtu SDO (C)/BDO in phalna a pekte chauh lo chu luh chhuah khap tlat a ni. Kawngpuiah ding khawmuang lo a lirthei tlan tlang erawh phal a ni.
4. Rikrum leh hmanhmawhthlak thila chhuah ngaite chuan VLTF remtihna la
hmasain leh Sorkar dan siamsa zawmin chhuah phal a ni ang.
He thupek hi chhuah anih Dt. 27.08.2021 aṭanga thu leh awm hma atan hman tur a ni ang.
