No.2031/2021-2022

Aizawl, 27th August, 2021 : Tunhnaiah Nalzawlah COVID-19 hri kai thar mi engemawzat hmuhchhuah an ni a. Chief Medical Officer, Mamit District hnen atanga report leh rawtna dawn angin contact tracing mumal zawka tih a nih theih nan leh heng lai chhehvelah hri hi a darh zel lohna tura hmalak a tul avangin, Dr. Lalrozama, Deputy Commissioner, Mamit District chuan The Mizoram Epidemic Diseases (COVID-19) Regulations, 2020 Sub-section 1 of Section 11 leh Mizoram Sawrkar Order No.B. 13021/101/2020-DMR/Vol-V dated 14.08.2021 in thuneihna a pek angin Nalzawl chu Containment Zone ah ka puang a. He Containment Zone-ah hian a hnuaia tarlan ang hian khuahkhirhna kalpui tur a ni ang.

1. Containment Zone chhunga cheng zawng zawngte hian Medical Team in contact tracing an neihna kawnga inkaihhruaina leh tihtur an sawite tha takin an zawm tur a ni.

2. Containment Zone chhunga cheng zawng zawngte chu mahni in leh compound pawnah chhuah loh tur a ni.

3. Containment Zone chhungah hian Medical leh Security Duty-te leh Deputy
Commissioner in phalna a pekte chauh lo chu luhchhuah khap tlat a ni. Kawngpuiah ding khawmuang lo a lirthei tlan tlang erawh phal a ni.

4. Rikrum leh hmanhmawhthlak thila chhuah ngaite chuan VLTF remtihna la hmasain leh Sorkar dan siamsa zawmin chhuah phal a ni ang.

He thupek hi chhuah a nih Dt. 27.08.2021 atanga thu leh awm hma atan hman tur a ni ang.