No.7933/2020-2021

Lunglei the 26th, March’ 2021: Vawiin chawhma khan Lunglei Govt. High School, Head Master room-ah Lunglei, Lawngtlai leh Hnahthial District-a HSLC leh HSSLC Examination 2021 Centre Superintendent te puala hriattur pawimawh zirhona neih a ni. MBSE Chairman Pu JH. Zoremthanga’n he hun hi a hmanpui.

He hun hi Pu F. Ricky Remruatpuia, Regional Officer, MBSE, Lunglei-in kaihhruaiin Pu JH. Zoremthanga chuan April thla, 2021  Board Exam (HSLC leh HSSLC) lo awm turah exam  strict leh discipline tha tak hnuaiah kalpui tum a ni a,   Covid-19 avangin syllabus chu 30%-a tihtlem niin naupang tan question awlsam 10%-a tihsan a ni, a ti. School Education hi zirna leh ram siam nan a pawimawh hle a, Board Exam lo awm tur pawh  hi zirna quality a hniam loh nan strict taka kalpui a nih tur thu a sawi. Exam kaihhnawiha thil diklo titute chu displinary action lak tur a nih avangin  Exam Centre Superintendent pawhin dan ang taka kalpui turin a chah a ni. Sawrkarin Exam Invigilator tura ruat te chu an duty a nih ang ngeiin exam hall-ah  duty turin a chah bawk a ni.

Pu F. Ricky Remruatpuia, Regional Officer, MBSE, Lungleiin Covid-19 hri leng laka him tlan nan MBSE Exam kaihhruaina zawm tur te, leh Centre Superintendent te hriattur pawimawh te zirtirna a pe a ni.

He hunah hian HSLC Centre Superintendent 15, Lunglei District atangin 11, Hnahthial District atangin (Chhipphir) 1 leh Lawngtlai District  atangin 3 telin HSSLC Central Superintendent 11,  Lunglei District atangin 9, Hnahthial District atangin 1(Chhipphir) leh Lawngtlai District atangin 1 an tel a ni.