National Commission for Minorities Vice Chairman Pu H.T.Sangliana, vawiina Aizawl lo thleng chuan vawiin tlai vek khan Chief Minister Pu Lal Thanhawla chu a chenna bungalow ah hmuin Mizoram chhunga hnam tlem zawkte chungchang an sawidun.

Pu H.T.Sangliana hian Chief Minister a hmuh hma hian Mizoram sorkar hnuaia minorities te lam kaihhnawih thawktu department hotu Secretaries te leh Director te nen inkawmna hun an lo nei tawh a. An ni bakah hian Mizorama hnam tlem zawk Chakma, Bru, Gorkha leh Muslim hruaitute alo hmu tawh bawk a ni. Pu HT Sangliana hian Mizorama hnam tlem zawkte awmna hmun khua te ala tlawh dawn a, ni 6 June 2011 khian Mizoram a chhuahsan leh ang.