Transport Department chuan a hnuaia thawk Pu Lalrimawia, MST Bus Conductor chu a huaisen avangin vawiin chhun khan a puala inkhawm Aizawl Vanapa Hall-a buatsaihah Khuallian Transport Minister Pu P.C.Zoramsangliana’n chawimawiin huaisen award a hlan. Inkhawm hi Transport Commissioner Pu Lalbiaktluanga Khiangte-in a kaihruai a, midang bakah Parliamentary Secretary Pu Chawngtinthanga pawhin he hun hi a hmanpui a ni.
Transport Minister chuan award hlan paha thu sawiin Transport Department hi mite relbur leh sawichhiat hlawh ber pakhat a ni thin a, vawiina Conductor huaisen tak Pu Lalrimawia chetna avang hian he department hian hmingthatna a hlawh thar a beisei thu a tarlang a. Mipui mimirte tana rawngbawltu Transport Department thawktu zawng zawngte chuan he hun atang hian inpekna thuk zawk leh midangte tana malsawmna nun zir thar theuh se a duh thu a sawi a ni. Transport Minister hian Pu Lalrimawia hnenah huaisen award, citation leh tangka fai Rs.10,000/- hlanin rampum huap huaisen lawmman dawng tura chhawpchhuah a ni ang a ti.
Transport Director Pu Siamliana chuan he Conductor huaisen chetdan tlangpui hi a sawi a. November ni 25, 2009 (Nilaini) chhun dar 12:00 khan MST Bus A/C chu Guwahati atangin a lo chhuak a. A tuk November 26 zing lam Silchar thlen hma deuh Masimpur hmunah chuan misualin bus hnung lam atanga lawnin suam an tum a. Hetah hian Conductor Lalrimawia chuan chem nena rawn thawk misual rualte chu bus kawngkharah dingin passenger-te him nan theih tawp chhuahin a bei let a. Thian chhan thih ngama a lo beiletnaah hian Pu Lalrimawia hian ama pawisa pai Rs.1560, ID Card leh Conductor Licence chhuhsak a ni a, department pawisa erawh chu him takin a vawng thei a ni.
Mi huaisen chawimawi hi tlawmngai pawl hrang hrang pawhin hlutpuiin CYMA chuan Citation leh Rs.2000/-, MHIP Gen Hqrs.-in Citation leh Tawlhlohpuan, MUP Gen. Hqrs.-in Tawlhlohpuan, MZP Gen. Hqrs.-in Citation, Tuikual VCP-in Citation, Tuikual ‘S’ YMA Branch-in Citation leh Tawlhlohpuan leh Tuikual ‘S’ MHIP Branch-in Citation, Tawlhlohpuan leh Rs.1000/- an hlan bakah amah an ngaihsanna leh duhsakna thu tlem an sawi theuh a ni.
Vawiin ama puala inkhawmah hian Pu Lalrimawia nupui Pi Lalrinsangi chuan a rawn tawiawm a. Chawimawina chi hrang hrang a dawn avanga lawmthu sawiin Pu Lalrimawia chuan heng chawimawina dawn zawng zawngte chu Mizo hnam tan a hlan a. Dikna a huaisenna leh thian chhan thihngam, diklo leh sual do ngamtu Mizore tipumkhattu leh tanrual tirtu a nih theih nan a hlan thu a sawi.
Transport Director Pu Siamliana chuan he Conductor huaisen chetdan tlangpui hi a sawi a. November ni 25, 2009 (Nilaini) chhun dar 12:00 khan MST Bus A/C chu Guwahati atangin a lo chhuak a. A tuk November 26 zing lam Silchar thlen hma deuh Masimpur hmunah chuan misualin bus hnung lam atanga lawnin suam an tum a. Hetah hian Conductor Lalrimawia chuan chem nena rawn thawk misual rualte chu bus kawngkharah dingin passenger-te him nan theih tawp chhuahin a bei let a. Thian chhan thih ngama a lo beiletnaah hian Pu Lalrimawia hian ama pawisa pai Rs.1560, ID Card leh Conductor Licence chhuhsak a ni a, department pawisa erawh chu him takin a vawng thei a ni.
Mi huaisen chawimawi hi tlawmngai pawl hrang hrang pawhin hlutpuiin CYMA chuan Citation leh Rs.2000/-, MHIP Gen Hqrs.-in Citation leh Tawlhlohpuan, MUP Gen. Hqrs.-in Tawlhlohpuan, MZP Gen. Hqrs.-in Citation, Tuikual VCP-in Citation, Tuikual ‘S’ YMA Branch-in Citation leh Tawlhlohpuan leh Tuikual ‘S’ MHIP Branch-in Citation, Tawlhlohpuan leh Rs.1000/- an hlan bakah amah an ngaihsanna leh duhsakna thu tlem an sawi theuh a ni.
Vawiin ama puala inkhawmah hian Pu Lalrimawia nupui Pi Lalrinsangi chuan a rawn tawiawm a. Chawimawina chi hrang hrang a dawn avanga lawmthu sawiin Pu Lalrimawia chuan heng chawimawina dawn zawng zawngte chu Mizo hnam tan a hlan a. Dikna a huaisenna leh thian chhan thihngam, diklo leh sual do ngamtu Mizore tipumkhattu leh tanrual tirtu a nih theih nan a hlan thu a sawi.
