Vawiin ni 14.12.2009 hian Pu H.Rohluna Minister, Environment & Forests chuan Aizawl Forest Development Agency (AFDA) in an sak Community Hall tha tak tak Tuirial leh Muthi khua ah te a hawng. Minister hi Pu R.Lalrinawma, bialtu MLA leh Law Commision Chairman ni bawk chuan a tawiawm a, Pu Lalthangliana Murray, CEO Aizawl FDA bakah Forest officers, khawtlang hruaitu leh mipui thahnem tak te heng Hall hawnna ah hian an tel a ni.
Khuallian chuan hall hawnnaah thu sawiin Teak Plantation te, ramngaw leh ramsa te hi Sorkar leh mipui ta anih angina venhim pui turin mipui a ngen a ni. Chutih rualin dan bawhchhia erawh chu dan angina an chungthu khauh takin an rel ang tih a sawi bawk. Hall te hi lungrual leh dik taka hmang turin a duhsakna a hlan a ni. NLUP pawh rinawmna leh taimakna nen hmang turin a fuih bawk a ni.
Pu R.Lalrinawma, Khualzahawm pawhin thu sawiin a bial chhungah Aizawl FDA in Hall an mamawh em em changtlung taka an sa chu lawmawm a tih thu sawiin a bial chhung hmasawnna kawngah hma la zel turin a fuih bawk a ni. A sawi zel naah Sorkar hmalakna hrang hrangah mipui te’n tha taka tawiawm turin a sawm a ni.
Tuirial Hall hi 54 ft X 24 ft niin a sak nan hian Rs 7,20,000 (cheng nuai sarih leh singhnih ) hman anih lain Muthi Hall 55 ft 34 ft a lian sak nan hian Rs 8,60,000/- vel sen ani thung.Hetiang Hall tha leh lian atana hetiang zat lek sum sen ani hi AFDA an fakawm hle a, Sorkar Estimate anga kal ni se chuan a sen let hi chu hman ngei ngei tura ngaih ani. Heng Hall tihpuitlin nana mipuite inpekna a nasa hle bawk
Aizawl FDA hian Hall bakah Tuirial ah hian Thlanmual panna Masonry step , Retaining wall, Loneitute chawlhbuk, VC Hall, YMA Information system te an siam sak tawh a, tunah School Office building, retaining wall leh streetlight hmachhawp mek an nei bawk. Muthi ah pawh khelmual, Pavillion, Tuikhur – 2, khawchhung inkalpawhna, Science Laboratory, MUP IN, MHIP IN, Tuiluan Kawr, YMA Information System leh thil dang tam tak an siam sak tawh bawk.
Heng Hall hawnna hi Tuirial ah chhun dar 11 ah tanin tlai dar 1:30 ah Muthi ah neih leh ani a, a khawnawt in ruai nen hlim taka khar ani ta a ni.
Tuirial hall hawn hma hian Forest Minister hian Tuirial Forest Nursery a tlawh bawk a, he hmunah hian HITECH Nursery, boruak lum leh vawt control theihna, tui phuh rengna bawk, Mist chamber chu a tlawh nghal a, hetiang Technology changkang hi Mizoramah chuan a vawikhatna a ni. Hemi hnuaiah chuan engtik hunah pawh thingchi kui leh a tiak enkawl te a theih tawh dawn ani.He Nursery zau tak ah hian thingtiak 1,50,000 (nuaikhat leh singa) chuang awmin, Thingzai, Ramsa/ Sava tlan, Parmawi, Hlim / Buk tha, Theitiak, Mau leh Damdawi a hman chi hrang hrang 15 (sawm panga ) chuang a awm a ni.
Pu R.Lalrinawma, Khualzahawm pawhin thu sawiin a bial chhungah Aizawl FDA in Hall an mamawh em em changtlung taka an sa chu lawmawm a tih thu sawiin a bial chhung hmasawnna kawngah hma la zel turin a fuih bawk a ni. A sawi zel naah Sorkar hmalakna hrang hrangah mipui te’n tha taka tawiawm turin a sawm a ni.
Tuirial Hall hi 54 ft X 24 ft niin a sak nan hian Rs 7,20,000 (cheng nuai sarih leh singhnih ) hman anih lain Muthi Hall 55 ft 34 ft a lian sak nan hian Rs 8,60,000/- vel sen ani thung.Hetiang Hall tha leh lian atana hetiang zat lek sum sen ani hi AFDA an fakawm hle a, Sorkar Estimate anga kal ni se chuan a sen let hi chu hman ngei ngei tura ngaih ani. Heng Hall tihpuitlin nana mipuite inpekna a nasa hle bawk
Aizawl FDA hian Hall bakah Tuirial ah hian Thlanmual panna Masonry step , Retaining wall, Loneitute chawlhbuk, VC Hall, YMA Information system te an siam sak tawh a, tunah School Office building, retaining wall leh streetlight hmachhawp mek an nei bawk. Muthi ah pawh khelmual, Pavillion, Tuikhur – 2, khawchhung inkalpawhna, Science Laboratory, MUP IN, MHIP IN, Tuiluan Kawr, YMA Information System leh thil dang tam tak an siam sak tawh bawk.
Heng Hall hawnna hi Tuirial ah chhun dar 11 ah tanin tlai dar 1:30 ah Muthi ah neih leh ani a, a khawnawt in ruai nen hlim taka khar ani ta a ni.
Tuirial hall hawn hma hian Forest Minister hian Tuirial Forest Nursery a tlawh bawk a, he hmunah hian HITECH Nursery, boruak lum leh vawt control theihna, tui phuh rengna bawk, Mist chamber chu a tlawh nghal a, hetiang Technology changkang hi Mizoramah chuan a vawikhatna a ni. Hemi hnuaiah chuan engtik hunah pawh thingchi kui leh a tiak enkawl te a theih tawh dawn ani.He Nursery zau tak ah hian thingtiak 1,50,000 (nuaikhat leh singa) chuang awmin, Thingzai, Ramsa/ Sava tlan, Parmawi, Hlim / Buk tha, Theitiak, Mau leh Damdawi a hman chi hrang hrang 15 (sawm panga ) chuang a awm a ni.
